Martxoaren 12ko deialdiaren ostean, Getxoko Euskaraldia koordinatzen ari den batzordeak bigarren bilera irekia deitu du Apirilerako. Kasu honetan, Algortako Azebarri kulturgunean gauzatuko da bilera, arratsaldeko 18:30tan, eta maiatzaren 15etik 25era egingo den Euskaraldia antolatzen laguntzeko deia egiten die koordinazio taldeak herritarrei. Egitarauaren aurkezpena eta zabalkundea aurreikusteko eta izen-ematearen sustapenari azken bultzada emateko helburuz bilduko da herri batzordea eta interesa duen herritar orok hartu dezake parte.